राज्य शैक्षणिक संशोधन व प्रशिक्षण परीषद महाराष्ट्र,पुणे आयोजित दि.८ मार्च ते १२ मार्च या कालावधीत महिला दिन जिल्हास्तरीय आॕनलाईन कार्यक्रमात नगरपालिका शाळा क्र.६ मध्ये विविध उपक्रमांचे आयोजन करण्यात आले होते. यात ८ मार्च रोजी शाळेतील शिक्षिका व पालक यांनी सहभाग नोंदवून इतिहासकालीन कर्तबगार स्रियांच्या वेशभूषा करुन अभिवादन केले.यात सविता साळुंके ताई यांनी राजमाता जिजाऊ,कल्पना निंबाळकर यांनी पुण्यश्लोक अहिल्याबाई होळकर,आरती कोरडकर यांनी सावित्रीबाई फुले,सुनिता इंगळे यांनी महाराणी येसुबाई,पालक शाहिन मनियार यांनी फातिमा शेख यांची भूमिका साकारुन मुलींच्या शिक्षणा विषयी उद्बोधन केले.शाळेत 'माझ्या आयुष्यातील प्रेरणादायी व्यक्तीमत्व' या विषयावर आधारित वकृत्व स्पर्धेत इयत्ता पाचवीतील यश साळुंखे,कुणाल वाहुळकर,जावेद शेख यांनी आईविषयी प्रेरणादायी विचार मांडले.महिला दिनाचे औचित्य साधून किशोरवयीन मुलींच्या समस्या व उपाय याविषयी जनजागृती व्हावी म्हणून सुनिता इंगळे व आरती कोरडकर यांच्या संकल्पनेतून प्रत्यक्ष मुलींच्या राहत्या घरी संजयनगर भागात जाऊन मुलींना खाऊ वाटप व फूल शाळेचे मुख्याध्यापक भरत आगळे सर व शिक्षक अरुण पगारे यांच्या हस्ते देऊन शिक्षणाचे महत्त्व पटवण्यात आले.कोव्हिड - १९ व मुलींचे शिक्षण महिला, पर्यावरण जनजागृती व समावेशित शिक्षण यावर विद्यार्थी व पालक यांना घोषवाक्य उपक्रमात सहभागी करुन घेण्यात आले. विविध प्रकारची घोषवाक्ये विद्यार्थ्यांनी तयार केली. वेगवेगळ्या प्रकारच्या टोप्या घालून त्यावरही संदेश लिहिण्यात आले होते.जनजागृतीचे या अनोख्या प्रकारचे पालकांनीही खूप कौतूक केले.शाळेत मुलींच्या शिक्षणाची जनजागृती व्हावी म्हणून रांगोळी व चित्रकला या उपक्रमाचेही आयोजन करण्यात आले होते.यात मुलांनी फळाच्या बिया,खडे व दगड,झाडाची पानेव फुले व रांगोळीचा वापर करुन उद्बोधक रांगोळी रेखाटली.यात मुली वाचवा,मुलींना शिकवा तसेच पर्यावरण जागृती याविषयी संदेश देण्यात आला. कांचन व अर्चना वाहूळकर या महिला पालकांनी दारापूढे रांगोळी काढून त्यांच्या भागात जनजागृती केली.शाळेतील पदवीधर शिक्षिका आरती कोरडकर व सविता साळुंके यांनीही रांगोळीतून मूलींच्या जन्माचे स्वागत करा असा संदेश दिला.विशेष म्हणजे हि शाळा पूर्णतः मुलांची आहे.
नगरपालिका शाळेत शिकणारी सर्वच मुले हि अत्यंत प्रतिकूल परीस्थीतीत शिक्षण घेत आहेत.त्यातही शाळेतील काही महिला पालक हे नेहमीच आपल्या पाल्यांसाठी जाणीवपूर्वक, जागरुकपणे श्रम घेत आहेत अशा महिला पालकांच्या कामाचे कुठेतरी जाणीवपूर्वक कौतुक व्हावे,समाजात त्यांनाही मान मिळावा म्हणून अर्चना वाहूळकर,शाईन मनियार या महिला पालक भगिनींचा 'आदर्श माता' म्हणून सर्व शिक्षकांच्या उपस्थितीत सत्कार करुन गौरव करण्यात आला.शाळेतील शिक्षिका सुनिता इंगळे व आरती कोरडकर यांना महिला दिनीच राज्यस्तरीय उपक्रमशील शिक्षिका समूहाचा राज्यस्तरीय 'सुपर अॕक्टीव्ह शिक्षिका' पुरस्कार नाशिक डाएट च्या ज्येष्ठ अधिव्याख्याता संगिता महाजन यांच्या उपस्थितीत प्रदान करण्यात आला.शाळेत राबवलेल्या उपक्रमाचे मुख्याध्यापक भरत आगळे सर,शिक्षक अरुण पगारे सर,पालक यांनी कौतुक केले आहे.नगरपालिका शिक्षण मंडळाचे कृतिशील,कर्तव्यदक्ष प्रशासनाधिकारी श्री.मोहनीश तुंबारे साहेब यांचे अनमोल मार्गदर्शन व प्रोत्साहन नेहमीच शाळेस मिळत असते. तुंबारे साहेबांनी शाळेत राबवलेल्या उपक्रमासाठी सर्व शिक्षकांना शाबासकीची थाप देऊन कौतुक केले.हे सर्व उपक्रम फेसबुकच्या माध्यमातून SCRT च्या #womendaymh2021 वर अपलोड केले आहेत.
No comments:
Post a Comment