ओळख पक्ष्यांची - पोपट

पोपट मिठू मिठू असे बोल आपल्या कानावर पडल्यावर आपल्या नजरेपुढे एकच आकर्षक पक्षी येतो तो म्हणजे पोपट.पोपट हा पक्षी आपल्या सर्वांनाच आवडतो .तो सर्वांचा चांगला मित्र आहे.पोपटाचा रंग हिरवा असतो व चोच लाल रंगाची असते.पोपटा हा मध्यम आकाराचा पक्षी असतो जो वेगवेगळ्या ठिकाणी वेगवेगळ्या रंगांमध्येही आढळतो. पोपट हे वेगवेगळ्या रंगांचे आढळून येतात जसे पांढरा, निळा, हिरवा, रंगबिरंगी, पिवळा, लाल इत्यादी. जगभरात पोपटांच्या ३५०पेक्षा जास्त प्रजाती आढळतात. पोपटाची लांबी १० ते १२ इंच असते. पोपट हा समजदार व बुद्धिमान पक्षी आहे. कोणतीही गोष्ट तो इतर पक्ष्यांच्या तुलनेत लवकर शिकतो. पोपट हा माणसाप्रमाणे बोलणे देखील शिकू शकतो.पोपट उष्णकटिबंधीय क्षेत्रांमध्ये जास्त प्रमाणात आढळतात. त्यांच्या आहार प्रत्येक प्रजाती नुसार वेगवेगळा असतो, पोपट हे शाकाहारी असतात ते वेगवेगळ्या भाज्या, फळे, बिया इत्यादी खातात.पोपटाला मिरची,पेरु,आंबा,कवठाचे फळ,डाळींब खायला आवडते. बरेच पोपट हे आपल्या पायाच्या सहाय्याने भोजन तोंडात पोचवतात. पोपटाला नकला करायला खूप आवडते.पोपट नकला अगदी हुबेहूब करतो.उंच झुपकेदार जास्त पाने असलेल्या झाडावर राहायला पोपटाला खूप आवडते.पोपट हा पक्षी जंगली आणि पाळीव या दोन्ही गटांमध्ये मोडला जातो. तसेच हा पक्षी समूहाने राहतो.पोपट पक्षी झाडांच्या ढोलीत राहायला पसंद करतो.तसेच हा पक्षी दिसायला सुंदर असल्याने घरातील पिंजऱ्यामध्ये पोपट पाळले जातात.पोपट हा पक्षी घरामध्ये येणाऱ्या पाहुण्यांचे स्वागत नमस्ते,राम राम म्हणून छान प्रकारे करतो. पाळीव पक्ष्याच्या रूपाने पोपट हा लोकप्रिय आहे. पोपट पकडून विक्री करणे मोठा व्यापार बनून गेला आहे.म्हणूनच घरांमध्ये पिंजऱ्यात पोपटाला बंदिस्त न ठेवता त्याला स्वतंत्र पणे आकाशात भरारी घेऊ द्यायला हवी.कारण पोपटाला बंदिस्त करण्याचा आपल्याला अधिकार नाही.